रविवार, ३० जानेवारी, २०११

प्रेमळ नात


चांदण्यांची शीतलता,
मज तुझ्यात गवसली ;
ग्रीष्मात हि बहर फुलण्याची कला,
तुझ्यामूळेच उमजली...

काजळातील कोरीव नयनात तुझ्या,
नजर माझी हरवली ;
झुकवत पापण्यांना,लाजून तू,
ह्या प्रेमळ नात्याची सुरुवात केली...
सुरुवात केली.....!!!!!

                                 - माधवी ( मनाली कुळकर्णी )

समाधान

नक्षत्रांचे देण,पदरात पडूनही
तो रिकामाच राहतो ;
अन समाधानाचे आत्मिक सुख,
जगण्याला अर्थ देतो...

ज्याचे त्याचे प्राक्तन म्हणावे,
कि ज्याची त्याची इच्छा ;
घडणारे घडतेच,टोचणारे दगड समजावे
मिळणारी ती भिक्षा...!!!

    - माधवी ( मनाली कुळकर्णी )

रविवार, २३ जानेवारी, २०११

समाजाच्या धाकापाई ,
                                     माझ्यातली मी गढूळ करू का??
कि त्याच गढूळ समाजाची मोडून मक्तेदारी ,
                                           माझ्या अस्तित्वाची अब्रू जपू का??
     ( खरच खूप गहन प्रश्न आहे )
                                             -माधवी ( मनाली कुळकर्णी )

शुक्रवार, २१ जानेवारी, २०११

दडपण

मनातले दडपण ते,
                                    डोळ्यात येऊन विसावले ;
अश्रूनी हि मग लपण्यासाठी,
                                    पापण्यांना निजवले ....!!!
                        
                                               - माधवी (मनाली कुळकर्णी)

बुधवार, १२ जानेवारी, २०११

किनार


तिला मिळावा एकांत म्हणून ,
मी समुद्राची साथ धरली;
तिच्या निरोपाची वाट पाहता-पाहता
आता सागरास हि ओहोटी लागली ....

किनारा दूर गेला अन,
ती मनात रुतत गेली ;
वाट पाहण्याऐवजी तिची,
मीच पुढाकाराची सोयरिक केली..

तिच्या संगत जेव्हा जेव्हा,
 ह्या मऊ वाळूत बसतो;
तेव्हा तेव्हा सागरा,
तुझे आभार मानतो...

त्यावेळी जर तुला,
ओहोटी लागली नसती ,
तर आज माझ्या नशिबाला,
तिची किनार नसती....
तिची किनार नसती..!!!
                    -माधवी (मनाली कुळकर्णी )

स्त्री

बाहुल्यांच्या खेळातून ;
                                कधी बाहेर पडणार तू??
कुंकवाचे मोल;
                          कधी पेलणार तू?

पुरुषप्रधान संस्कृतीत ,
                                      तुला मागासच समजतात;
               खांद्याला खांदा लावून चालण्याला ,
                                               तुझा 'आगाऊपणा'  म्हणतात ......

         चूल-मुल ओठात नसले तरी ,
                             मनात कायम आहे ;
   MODERN WIFE सह,
                                                         EXPECTATIONS ची चौकट तीच आहे....

          तुझा प्रगतीचा आलेख,
                    किती उंच जरी,
पुरुषांपुढे तुला,
                    दुय्यमच स्थान;
   पुरुषी अहंकाराकडून,
                           काय दुसरे मागणे??
   बायका-बायकामधेच
                            जिथे ओढाताण .......

स्त्री चा जन्म घेताना ,
                                      सोशिकतेच दानच,तुला मिळालय ;
कुंकवाच्या बंधनात अडकून,
                                                             नाती विणण्यासाठी, देवानेही तुलाच निवडलय.....!!!

                                                               - माधवी (मनाली कुळकर्णी )

गुरुवार, ६ जानेवारी, २०११

जगण्याचा हक्क

भावनांचा गोतावळा,
                                       साठला होता मनात
कधीतरी त्याचा हि,
                                          स्फोट होणारच होता;
ठिणगीचे कारण अन,
                                                     वणव्यातच अंत निश्चीत होता...

साठलेले मनात सारे,
                                  बेचिराख झाले ;
कडव्या आसवांवर तो,
                                            खळीचा  विजय होता ....

दाहाचे चटके झेलुनी,
                                                  जखमा सुकण्याचा काळ आला ;
कधीकाळचा जमा मळभ तो,
                                    दूर सारायचा होता....

होरपळलेल्या मनात आता,
                                  निरव शांतता पसरली;
घुसमटनाऱ्या श्वासालाही;
                                          जगण्याचा हक्क होता ...!!!!
                  
                                             -माधवी ( मनाली कुळकर्णी )

मंगळवार, ४ जानेवारी, २०११

प्रवाहाच्या विरुद्ध

अंधाराची भीती वाटली,उजेडात जाऊ कशी मी ???
मुद्दामून डोळे मिटलेल्या,इथल्यांना उठवू तरी कशी मी???
हतबल मी, स्वतःवरच हिरमुसते अन,
शोधते वाट मग प्रवाहाच्या विरुद्ध दिशेची ...!!

                                        -माधवी (मनाली कुळकर्णी )